Çexiya Respublikası, Mərkəzi Avropanın ən inkişaf etmiş ölkələrindən biridir. Dəniz sərhədi olmayan bu ölkə Almaniya, Polşa, Avstriya və Slovakiya ilə quru sərhəddinə sahibdir. Çexiyanın paytaxtı turistlərin ən çox ziyarət etdiyi yerlərdən biri olan Praqa şəhəridir. Praqa hər il milyonlarla turistə və 1,3 milyon yerli vətəndaşa ev sahibliyi edir. Çexiya BMT-nin inkişaf proqramının açıqlamasına görə “ inequality-adjusted human development” baxımından 14-cü yerdə və dünyanın ən təhlükəsiz ölkələri sıralamasında 6-cı yerdədir. Çexiyada yerləşən universitetlər həm Avropa, həm də Amerikan təhsil sisteminə uyğun olaraq tədris aparır. Buna misal olaraq Mərkəzi Avropanın və Çexiyanın ən qədim universiteti olan Charles Universiteti, Çex Texniki Universiteti, Palacyk və UNYP kimi universitetlərinin adlarını qeyd etmək olar. Münasib təhsil xərcləri və tələbələrə ölkə daxili xüsusi güzəştlərin olması, Avropada təhsil almağı düşünən tələbələrin Çexiyanı ən çox seçim olunan ölkələrdən biri etməsinin əsas səbəbləridir.