Dünyanın ən çox ziyarət edilən ölkələrindən biri olan İspaniya zəngin mədəniyyətinə və tarixinə görə tələbələrin üstünlük verdiyi təhsil mərkəzidir. Avropanın cənub-qərbində İberya yarımadasında yerləşən İspaniya İngilis və İspan dilində təhsil təklif edir.
İspaniyada ümumi olaraq 78 universitet yerləşir, bu universitetlərdən 51-i dövlət 27-si isə özəl universitetlərdir.
QS World University Rankings 2018-2019-da, İspaniyanın 11 universiteti QS Dünya Universitetlərinin reytinq sıralamasında yer alır. Məşhur universitetlər əsasən paytaxt şəhər olan Madriddə və 2-ci ən böyük şəhər olan Barselonada yerləşir.
Avropa Birliyinin üzvü olan İspaniya, həmçinin, European Space for Higher Education-un üzvüdür. Bu üzvülüyün nəticəsində İspaniyanın ali təhsil müəssisələri 45 Avropa ölkəsində və dünyanın digər ölkələrində də tanınırlar. İspan universitetleri Avropa Kredit Transfer Sisteminden (ECTS) istifadə edirler. Bu sistem Avropa təhsil sistemləri arasında uyğunluğun təmin olunması üçün əsas standartdır.