Nottingham Universiteti Ningbo Çin (UNNC) Çində ilk xarici universitetdir. 2004-cü ildə Çin Təhsil Nazirliyinin razılığı ilə qurulmuşdur. Universitetə Çin təhsil sektoru ilə əməkdaş olan Zhejiang Wanli və Nottingham Universiteti rəhbərlik edir. UNNC-də 6500-dən çox tələbənin 750-si xarici tələbədir.
Universitetdə 700-dən çox peşəkar əməkdaş fəaliyyət göstərir.
Universitetin Zhejiang əyalətinin Ningbo şəhərində 144 hektarlıq bir ərazidə (584.666 m²) kampusu yerləşir. Burada Biznes, Mühəndislik, Humanitar və Sosial elmlər fakültələri fəaliyyət göstərir. Nottingham Universiteti Ningbo –da 28 bakalavr və 22 doktorantura proqramı üzrə kurslar təklif edilir. Universitetdə on tədqiqat mərkəzi və institutu vardır.
Universitetdə bütün təlimlər yüksək standartlara uyğun Nottingham Universitetinin əməkdaşları tərəfindən ingilis dilində aparılır.